На 22 февруари 2022 година во М6 Едукативниот центар во Скопје се одржа традиционалното доделување на годишните Награди за филантропија за 2021 година.  Од 42 номинации во 6 категории, ги  избравме следниве добитници помеѓу компаниите, здруженијата и фондациите, граѓаните и медиумите кои несебично, долгорочно и на стратешки начин го помагаат и поддржуваат развојот на заедницата  и  го промовираат и стимулираат развојот на филантропијата и културата на донирање во Македонија:

• Награда за  здружение/фондација за посебен придонес кон развој на филантропските практики за 2021 година:  Шепасти Ентузијасти;
• Награда за медиум за посебен придонес кон развој на филантропските практики во Македонија за 2021 година: Медиумска информативна агенција – МИА;
• Награда за корпоративна филантропија за мало претпријатие за 2021 година: The Countryside Retreat дооел Ранковце;
• Награда за корпоративна филантропија за средно претпријатие за 2021 година: Групација Аутомакедонија (Аутомакедонија, АМ Церт и АМ Брокер);
• Награда за корпоративна филантропија за големо претпријатие за 2021 година: Алкалоид ад Скопје;
• Награда за индивидуален филантроп од  Македонија за 2021 година:  Г-н Борче Стаменов;
• Награда за индивидуален филантроп од  дијаспората за 2021 година:  Г-н Дејан Аџиоски;
• Награда за филантропија за 2021 година за воспоставено долгорочно-стратешко партнерство помеѓу  деловниот и граѓанскиот сектор: OKTA ад Скопје и Фондација Чекор по Чекор.

Наградите за филантропија се реализираат во рамки на проектот SIGN Up for Impact (SUfI) имплементиран од организациите-членки на SIGN – регионалната мрежа на локални фондации од Западен Балкан, а финансиран од Европската унија и Балканскиот фонд за демократија.