На свеченоста која се одржа на 27 февруари 2017 година во М6 Едукативниот центар во Скопје беа доделени Наградите за филантропија ОКО за 2016 година.
Цел на Наградите за филантропија ОКО е да се препознаат и јавно истакнат компаниите, здруженијата и фондациите, граѓаните и медиумите кои несебично, долгорочно и на стратешки начин го помагаат и поддржуваат развојот на заедницата и да го промовира и стимулира развојот на филантропијата во Р. Македонија.
Наградите ОКО им даваат можност на граѓаните, јавните институции, граѓанските организации и крајните корисници на донациите јавно да ја искажат својата благодарност кон донаторите. Од друга страна, наградите им даваат можност и на самите донатори да добијат поголема поддршка од јавноста за проектите во кои веруваат и со кои навистина придонесуваат кон заживување и развој на вредностите како солидарност, почит, етичност, хуманост и добротворство.
Добитници на Наградите по категории се:
- ОКО – Награда за здружение/фондација за посебен придонес кон развој на филантропските практики во Република Македонија: Фондација Елена Лука
- ОКО – Награда за новинар/медиум за посебен придонес кон развој на филантропските практики во Република Македонија: г-ѓа Сунчица Стојановска Зоксимовска
- ОКО – Специјална награда за воспоставено долгорочно-стратешко партнерство помеѓу деловниот и граѓанскиот сектор (заедничка награда за претпријатие и здружение/фондација): АВОН Македонија и Здружение Кризен центар ,,Надеж” Скопје
- ОКО – Награда за корпоративна филантропија за мало претпријатие: Пакомак доо Скопје
- ОКО – Награда за корпоративна филантропија за средно претпријатие: Адинг ад Скопје
- ОКО – Награда за корпоративна филантропија за големо претпријатие: Стопанска банка ад Скопје
- ОКО – Награда за индивидуален филантроп од дијаспората: Семејство Фејзулаи – Норвешка
- ОКО – Награда за индивидуален филантроп од Р. Македонија: г-ѓа Кристина Арнаудова Петровски
Наградите за филантропија ОКО се реализираат во рамки на проектот SIGN за одржливост имплементиран од ХОРУС, како организација – членка на SIGN – регионалната мрежа на локални фондации од Западен Балкан, а со финансиска поддршка на Европската унија и Балканскиот фонд за демократија