На 12 Ноември 2019 во Хотел Stone Bridge Скопје, во организација на ХОРУС се одржа презентација на две истражувања – Годишниот извештај за состојбата со филантропијата во Mакедонија во 2018 година и Компаративната студија за перцепцијата на филантропијата во Западен Балкан.
Овие две комплементарни истражувања даваат детален преглед на клучните статистички наоди за филантропските активности на различни видови на донатори од Македонија и дијаспората во 2018 година, како и за знаењата, ставовите и практиките на граѓаните од 6 земји од Западен Балкан поврзани со донирањето во филантропски цели.
Годишниот извештај за состојбата на филантропија во Македонија е подготвен со помош на базата на податоци Giving Balkans, како најверодостоен извор за донациите во регионот. Извештаите од медиумите се собрани преку следење на објави на електронски, печатени и онлајн медиуми на локално, регионално и национално ниво во Македонија во периодот од 1 јануари до 31 декември 2018 година. Во текот на овој период регистрирани се 2.001.676 ЕУР.
Настанот се реализираше во рамки на проектот “SIGN Up for Sustainability”, имплементиран од страна на SIGN регионалната мрежа на фондации од Западен Балкан, финансиран од Европската унија и кофинансиран од Балканскиот Фонд за Демократија.
Годишниот извештај за состојбата со филантропијата во Mакедонија во 2018 година може да го превземете овде
Компаративната студија за перцепцијата на филантропијата во Западен Балкан може да ја превземете на следниов линк